Asii: Politikkikkut siunnerfiit nalilersorneqartalissapput
Politikkikkut anguniagassatut siunnerfiit aalajangersarneqareeraangata ilumut piviusunngortinneqarnerini aqqutit ajunngitsut atorneqarnersut nalilersorneqartalissaaq, taamatut siunnersuuteqarpoq Kangia/Kitaani Ikaarsaariarnermi ataatsimiititaliami siulittaasoq Asii Chemnitz Narup.
Allattoq Louise M. Kleemann
septembarip 26-at 2008 13:49
Kommunerujussuanngortussat ineriartornerannik malinnaaviginninnermi periaatsinik inerisaanissamik siunnersuut
KANUKOKA-mi aallartitat ataatsimeersuarneranni Ilulissani naammasseqqammersumi akuerineqarpoq.
- Aningaasaliissutit ajunngitsumik tuttarnersut nalilersorneqartariaqartalissapput. Taama isumaqarpoq Asii Chemnitz Narup. Taanna oqarpoq kommunerujussuit sisamat ineriartornermik malinnaanissaat ilumut pisariaqartoq atorfissaqartorlu.
- KAKUKOKA-mi pituutserneqarluni sulineq inerisarneqassaaq, pissutigalugu kommunit tamatta nalilersuinermi sakkussanik atorfissaqartitsigatta, Kangia/Kitaani Ikaarsaariarnermi ataatsimiititaliami siulittaasoq Asii Chemnitz Narup taama oqarpoq.
