Asii Chemnitz Narup Sorlammit taperserneqarpoq

-Uanga inuttut nammineerlunga Asii Chemnitz Narupip siunnersuutiginiagaa isumaqatigisorujussuuvara, inusuttut 14-iniit 16-inut ukiullit namminneq akisussaalereertarput, taava taamatut sulinneqarnissaat ajoriffiossaqartinngilara.

Aningaasatigut kisitsissagaanni: 80 tiimit inuusuttuaqqat sulissagunik nalunaaquttap akunneranut 12 koruuni 50 oorimik aningaasarsiaqassapput, annertunersoq Aminnguaq Knudsenimut apeqqutigaarput, akivorlu:

-Annikikkaluarpoq, kisianni aninmgaasanik namminneq pissagunik aamma namminneq tunniussaqartariaqarput, Aminnguaq Knudsen oqarpoq.

IA-p siunnersuutaanut Sorlak qanoq ikiuerusussuseqarnersoq aamma apeqqutigaarput, Aminnguaq Knudsen ima akivoq:

-Sorlak sinnerlugu soorunami uanga aalajangiiginnarsinnaanngilanga, kisianni siulersuisoqatima isumaat tusarniaavigeqqaarlugu tamanna akisinnaavara.

IA-p siunnersuutaani sunamita anguneqarsinnaava?

- Anguneqarsinnaasut arlaqaqaat, inuusuttuaqqat perorsaatigilluarsinnaavaat, taamaammat isumaqarpunga maangaannaq eqqaasarneq immaqalu aserorterisarneq annikillisarneqarsinnaassasoq, Sorlammi siulittaasoq oqarpoq.

Sorlammi ilaasortat oktobarip aallartinnerani Sisimiuni isumasioqatigiinnissaanni Asii Chemnitz Narup-ip siunnersuutaa, isumasioqatigiinnermi oqaluuserisassanut siunnersuutiginiarlugu, Sorlammi siulittaasoq Aminnguaq Knudsen naggasiivoq.