Naalakkersuisunut ilaasortaq Asii Chemnitz Narup piffissami sivikitsumi napparsimasutut nalunaaqqavoq – taamaannerani oqartussaaffii naalakkersuisut siulittaasuannit Hans Enoksenimit isumagineqarallarput.
Nakorsanit sapaatip akunnera kingulleq misissorneqareerluni Asii Chemnitz Narup Danmarkiliaanneqarpoq, annikitsumillu passunneqarluni. Nalunaarutigineqarporlu ajunngitsoq.
-”Akisussaaffikka Danmarkimiit isumagisinnaavakka, Nuummullu aqagu utissaanga – akisussaaffikkalu tallimanngorpamiit tamakkiisumik isumageqqilissavakka” – Asii Chemnitz Narup naalakkersuisut ataatsimiinneranni oqarasuaatikkut peqataasimasoq oqaluttuarpoq.
Asii Chemnitz Narupip inatsisartuni sapaatip akunnerani uani saqqummiussassai naalakkersuisut siulittaasuata Hans Enoksenip saqqummiutissavai.