Asii Chemnitz Narup: atugarissaarneq pillugu ataatsimiititaliaqartariaqarpoq

Kalaallit Nunaanni inuiaqatigiit ulluinnarni inuuneranni atugarissaarneq ataasiakkaallu inuunniarnerminnikkut atugassarititaasa agguataarneqarnerat takussutissarsiniarlugu, atugarissaarneq pillugu ataatsimiititaliamik peqartariaqarnersoq, inatsisartuni IA sinnerlugu ilaasortap, Asii Chemniz Narupip, Inatsisartut apeqquteqaateqartarfiani ullumi saqqummiutissavaa.

Kalaallit atugarissaarnikkut inissisimanerat, aaqqissuussaanerit qanoq ittut ineriartortinneqassanersut, qanorlu akilerneqassanersut, partiit piukkussaqarnersut, Asii Chemnitz Narupip apeqquteqaateqarnissamini ujartugaasa ilagaat.

Nunatsinni isumaginninnikkut oqimaaqatigiissitsinermik politikerit ukiuni tulliuttuni qulini 20-nilu takorluuinissaat Asii Chembitz Narupip kissaatigaa.

Inatsisartut naalakkersuisullu Asii Chemnitz Narupip kajumissaarpai, atugarissaarneq pillugu ataatsimiititaliarsuarmik, inuiaqatigiinnit tamaneersunit ilaasortaatitaqartussamik, pilersitseqqullugit. Atugassarititaasut assigiimmik agguataarneqarnissaanik, ataatsimoornerullu nukittorsarneqarnissaaanik, ujartuivoq. Atugarissaartoqarnerulerpat naliigiinneq annertunerulissaaq, Asii Chemnitz Narup oqarpoq.