Asger Jornip qalipagaa millionilippassuarnut tunisaasoq
Qalipaasorsuup danskiusup, Asger Jorn-ip, qalipagaa tusaamasarsuaq ”Tristesse blanche” 6,4 millioni koruunilerlugu Københavnimi akitsorterussisarfimmi, Bruun Rasmussenimi, ippassaq unnukkut tunineqarmat, Danmarkimi rekordiliisoqarpoq.
Asger Jorn-ip qalipagaanik aatsaat taama akisutigisumik tunisisoqarpoq.
Akitsorserussisarfik Bruun Rasmussen oqaluttuarisaanermi aatsaat taama aamma tunisaqartigaaq, unnuup ataatsip ingerlanerinnaani 30 millioni koruunit sinnerlugit tunisaqarami.
Qalipakkamik psisisuuvoq Skandinaviamiu qalipakkanik katersinermik soqutigisalik.
Asger Jornip qalipagaa alla 4,6 millioni koruunilerlugu ukiut sisamat matuma siorna tunineqarsimavoq.
Qalipaariaatsimik Cobra-mik qalipakkat qalipaasartunit 100-init amerlanernit qalipanneqarsimasut ippassaq akitsorterunneqarput.
