Atuagaq Asavaanga – asanngilaanga nunani avannarlerni ataatsikkut septembarip 23-ani saqqummersinneqarpoq, ullorlu taanna aamma Gøteborgimi atuakkanut tunngasumik niuffattoqarnerani malunnartinneqarluni.
Atuagaq oqaluttualiaaqqanik asanninnermut tunngasunik inuusuttunullu tulluartunik 16-inik imaqarpoq.
Atuakkiortut Magssanguaq Qujaukitsoq aamma Erna Lynge oqaluttualiaaqqanik immikkut tamarmik atuakkamut ilanngussaqarput.
Magssanguak Qujaukitsup oqaluttualiaani Qaanaami qitinneq-mi inuusuttut marluk siullermeerlutik sakkortuumik asannilernerat, avissaaqqasariaqarnerallu pinngitsoorneqarsinnaanngitsoq sammineqarpoq.
Erna Lyngep oqaluttualiaani And I made up my mind-imi niviarsiarannguaq asannilerlaaq malinnaavigineqarpoq. Taassuma paasigamiuk angutaanni allasiortoq ajornartorsiorluinnalerpoq.
Atuagaq, nunani avannarlerni inuusuttut akornanni ullutsinni asanninnermik tipisiuisoq, nunani avannarlerni atuakkanik saqqummersitsiviit arfineq pingasut suleqatigiinnerisigut piviusunngorpoq.