Asanninnerup Ullua USA-mi Australiamilu

Ullumi ulloq tassaavoq Asanninnerup Ullua. Nunatsinni qanoq atorneqartiginersoq ilisimanngilara, kisianni nunani allaniunerusoq immaqa nalliussineqartarpoq, asannippaluttunik allannikkut, imaluunniit naasunik sukkulaatinillu imminut tuninikkut.

Radioavisimi ippassaq oqaluttuaraarput, Asanninnerup Ullua nunarsuatsinni assigiinngitsorpassuartigut malunnartinneqartartoq. Asanninnerullu Ulluani pisussanik eqqumiikujuttunik una Radioavisi aamma naggaserusupparput.

USA-mi uumassusivissuit arlallit neqeroorutaannut ilaavoq, inersimasut uumasuusivinnukartartut unnugu taarsereernerani aggiaqqullugit. Uumasummigooq qanoq nuliusarneri tiingasarneriluunniit taamaasillutik malinnaaffigalugillu paasisaqarfigisinnaavaat. Aviisi Politiken taama allaaserisaqarpoq.

Asanninnerup Ulluani Australiami aamma immikkorluinnaq pilerisaaripput. Angutinngooq imalinnik sukkulaatitornatik anisuumik aqqutaa kipitillissuk, taamaaliorunimigooq arnat naartulersoornissaat pinngitsortissavaat, arnarpassuillu naartulersoornissaminnut taamaalillutik ernumasariaqanngillat.