Cebastian Rosingip asanninnerup ullua malunnartissallugu pingaartitaraa. Taassumami ippassaq ulloq nulianilu malunnartereerpaa, nulia ullumikkut Danmarkimut aallartussaammat.Assi: KNR

Asanninnerup ullua: - Nuliara ukiut sisamat matumatuma siorna katikkumavara

Asanninnerup ullua immikkuullarissoq immaqaluunniit amerikamiorpalaarpallaarnerua? Asanninnerup ulluani Nuummi inuit isumaat KNR-ip paasiniarpaa.

Asanninnermut ullorititaasup nallerpaatigut.

Neriniartarfiit ullumikkut ulikkaaqqasut, pisiniarfinni naasut akikillisat. Ingasattajaarnerua? Amerikamiorpalaarpallaarnerua? Immaqaluunniit asasamut naasorsineq ajunngilluinnarpa?

Tamanna ullumi asanninnerup ulluani KNR-imit Nuuk Centerimi akissutissarsiniarparput. 

Cebastian Rosing naasunik kusanartorsuarnik akimut ersittumik poortorsimasunik nassarluni ingerlavoq. Taanna ataatani Danmarkimiimmat anaanassaminut naasorsisimavoq. 

- Immikkut avitseqatissaqaraanni ulloq immikkuullarissuuvoq. Aamma kammalaatit qanigisat ullormi ilagineqarsinnaapput, kisianni nuliaqarpunga nuannarilluakkannik. Ullumi Danmarkimut aallarpoq, taamaammat ippassaq ulloq uatsinnut malunnartipparput, Cebastian Rosing oqarpoq.

- Aappara mamartunik iggappara siuleqqiutilinnik kinguleqqiutilinnillu, kingornalu filmi nuannarinerpaasaa isiginnaarparput, ilorrisimaarluta.

- Akisussaaffigut avinnikuuagut, uanga asanninnerup ullua malunnartinniartarpara, arnaatima naapinnersioraangatta malunnartinniartarpaa. Taavalu katiffissioraangatta marluulluta malunnartinniartarparput. Taamaalilluta ukiumut pingasoriarluta ullorsiortarpugut, Cebastian Rosing oqaluttuarpoq, taanna ukiut sisamat matuma siorna asanninnerup ulluani maanna nuliaminut katikkumavoq.

 

Julia Abelsen:

-  Asanninnerup ullua pingaartitarinngilara, aamma immikkut malunnartinneq ajorparput. Aappannut asanninnera ullut tamaasa misigitittarpara, taamaammat immikkut malunnartitsinissara pisariaqartinngilara.

 

Julie Berthelsen:

Asanninnerup ulluani isumaqartipparput. Kisianni atorpiarneq ajorparput. Kisianni uinnguama ukiut tamaasa naasunik tunisarpaanga, amerlanertigut sulisarama. Soorlu massakkut angerlarsimanngilanga-aasiit, Minik Danmarkimiippoq, ullaaq sianerpoq oqarluni: Når, happy valentines day illinaasiit angerlarsimanngilatit, susinnaanngilagut taava uanga oqarpunga ajunngilaq, Julie Berthelsen oqaluttuarpoq.

- Ullup ingerlanerani cafilaartarpugut, pisuttualaarlutaluunniit. Immaqaluunniit oqaloqatigiilaarluta. Meeraaraateqarluni aamma taanna ajornakusoortarami. Kisianni sapinngisamik anisarpugut neriartulaarluta arlaannut, marluulaarluta.

Ullumikkut ulloq qanoq atussaviuk?

- Nalliuttorsiussamaarpunga, ataataga ippassaani 70-iliigami unnugu nalliuttorsiortitsissamaarpugut.

 

Sechmann Rosbach:

- Pissutsit tamakku eqqumiigisarpakka soorunami. Uangami ullumikkut 71-inik ukioqarama. Aamma taamanikkut nunatsinni imatorsuaq atugaannginnamik.

 

Erine Andersen uiminit naasunik tunisissimavoq.

- Romantisk, nuan, tipigit, ulluginnaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat