Asanninnerup ullua
Ullumikkut ulloq februaarip 14-iat Valintinip ulloraa, ulloq asanninnermut unnersiutiginniffittut isigineqartarpoq.
Mattuttoq katoliusoq Italiamiu Valintinimik atilik, ukiut 1750-it matuma siorna inuusimasoq ullormut matumunnga aallaaviuvoq. Oqaluttuarineqartarpoq Valintin-ip ullumikkut iluartuutitaasup, inuugallarami inuusuttut asaqatigiit asanninnermut ilisarnaatitut taasaminik naasunik tunisimagai.
Valintinip iluartup ullua nunani katuulleqarfiusuni malunnartinniarneqarnerpaasarpoq, aallaqqaammullu pingaartinneqarsimagaluarluni 1500-kkunni kristumiussuseq nutaalorfigineqalermat soqutigineerukkaluttuinnarsimalluni.
Ukiut 400-it qaangiutinnguallartullu 1990-kkunni Valintinip Ullua soqutigineqaqqilerpoq, tamannalu nassuerniat chokolateerniallu malugilluarsimavaat.
Nuummi pisiniarfiup kusanartuerniap Nivip naasuerniarfiani ingerlatsisoq Marianne Christensen unnersiorpoq, Valintinip iluartup ulluani, inuusuttut soorlu GU-mi niuernermillu ilinniarfimmi ilinniartut naasunik Chokolatinillu pisiortorluartartut.
