ARTEK nutaamik pisortartaarpoq

Aput- sermerlu  pillugit ilisimatooq, Carl Egede Bøggild, ARTEK-imi, tassa Issittumi Teknologiimik Inerisaavimmi, Danmarks Tekniske Universitetip ataaniittumi, pisortassatut ullumi toqqarneqarpoq.

Pruffiisori, Arne Willumsen, soraarninngortoq, Carl Egede Bøggildip taarserpaa.

Issittumi teknikkikkut Kalaallit Nunaanni Universitetscenterissaq Bøggildip akisussaaffigilissavaa, universitetscenterissami issittumi ingeniørit amerlanerit ilinniartinneqartalernissaat siunertaavoq, soorlu aatsitassarsiorneq eqqarsaatigalugu atasinnaanerusumik ineriartortitsinissaq qulakkeerneqarniassalluni.

Universitetscenterissamik, Sisimiuni inissisimasussami, pilersitsisuupput Danmarks Tekniske Universitet Namminersorlutillu Oqartussat.

Kalaallit Nunatsinni ingeniørit 600-t missaanniittut ukioq 2040-p tungaanut atorfissaqartinneqarnissaat ilimagineqarmat centerissap pilersinneqarniarneranut tunuliaqutaavoq.

Ilinniartitaaneq Ilisimatusarnerlu pillugit Naalakkersuisup, Palle Christiansenip, Sisimiuni Universitetscentereqalernissaanik pilersaarut nuannaarutigaa.

- Ingeniørit suli amerlanerit ilinniagaqartalernissaat qilanaaraarput, inuiaqatigiinni ineriartorneq imminut nammassinnaasoq Kalaallit Nunaata kissaatigaa, Palle Christiansen oqarpoq.