ARTEK Event ukioq manna peqataafigineqarluartoq

Nunat tamalaat peqataaffigisaannik Sisimiuni ukioq manna ataatsimeersuarneq ARTEK Event ornigarneqarluarpoq.
Assi © : DTU Byg
Allattoq Inge S. Rasmussen
apriilip 14-at 2016 08:39
Nutserisoq Mads Lynge

Issittumi eqqaavilerillunilu imermik errortuutikumik passussineq ARTEK Eventimi ilaatigut eqqartorneqarpoq, inuillu nunanit 100-nit amerlanerusuneersut peqataapput.

Ukioq manna ARTEK Event taamaasilluni aatsaat taama amerlatigisunit peqataaffigineqarpoq, siullerpaamik taama ataatsimeersuartitsisoqarmat 2005-imi pivoq. Ataatsimeersuarnermik aaqqissuisut Center for Arktis Teknologi aamma DTU Byg taama nalunaaruteqarput.

Ataatsimeersuarneq ullunik pingasunik sivisussuseqartussaq marlunngormat aallartippoq, saqqummiussisussallu katillugit 55-iupput, Issittumi teknologit pioreersut nutaallu aqqutigalugit innuttaasut peqqinnerulersinnaanissaat pillugu saqqummiussisoqarluni.

Sisimiuni kulturikkut illorsuarmi Taseralimmi ukioq manna ataatsimeersuartoqarpoq, ukiorlu allortarlugu taama ataatsimeersuartoqartarluni.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq