Arsummiut avannamut imaatigut aqqutissaqaqqilerput
Ilaasunik angallassinissamik isumaqatigiissut Arctic Umiaq Linemit Kangilinnguanilu sakkutooqarfimmit atsiorneqartoq, decembarip aallartinneraniit, 2011-mi sapaatip-akunnera siulleq ilanngullugu atuutissaaq.
- Kangilinnguani Sakkutooqarfik assigiinngitsutigut suleqatigisareerparput, kisianni aatsaat siullerpaamik ilaasunik angallassinermut tunngasumik isumaqatigiissuteqarpugut, Arctic Umiaq Linep pisortaa Jette Larsen oqarpoq.
Arsuup aamma Qaqortup akornanni ilaasunik angallassineq ullumikkut periarfissaareerpoq, massakkullu Paamiunut Nuummullu ilaasut aamma aqqutissaqalerlutik.
Sarfaq Ittuk sisamanngornerit tamaasa decembarip aallaqqaataaniit Kangilinnguanut tikittassaaq.