Arsummi tunitsivik Arsummiunit pigineqaqqilerpoq

- Arsummiut tunitsivitsik namminneq kingumut pigilerpaat, Pisortaq Daniel Skifte oqarpoq.
Arsuk Food Aps-ip tunitsivittaava 80 tons-inik imartutigisumik qerititsiveqarpoq, ullormullu 5 tonsinik tunisassiorsinnaallunik. nipisat suaannik maanna tunisassiortoqarpoq, piginnittullu neriupput, aamma saarullinnik qaleralinnillu tuniassiulerumaarlutik.

- Suliffissaqartitsinerulaalernissaa naatsorsuutigaarput. Soorunami nunarfik napaannassappat tunitsivik isumalerujussuuvoq, Daniel Skifte oqarpoq.
Taanna tunisassiassakinnerani ataatsimik suleqateqarpoq. tunisassiassaqarluarfiani katillugit arfineq pingasut tikillugit sulisoqartarbnissaq, Arsuk Foodimit  naatsorsuutigineqarpoq.

Kisianni tunitsiviup piginnittorisimasaanik isumaqatiginninniarneq oqittuinnaasimanngitsoq, Daniel skifte oqaluttuarpoq.

- Tunitsiviup puiunera tamaat pimasarigaluarpaat, suaat Royal Greenlandimut tunisassagivut. Kisianni ukiunut arfineq marlunnut apparpavut. soorunami nammineqtuniniartartuugutsigit akitsit pitsaanerujussuit pisinnaagaluarpagut, kisianni Royal Greenlandimut pituttoqqanerput peqqutaalluni, akit allarluinnaat pivagut, Arsuk Food Aps-ip pisortaa Daniel Skifte oqarpoq.