Arsummi timmissat piaqqiorfiini kisitsisoqarpoq
Tassani appat ineqarfeqarput, taakku saniatigut taateraarpassuit kangerluup sineriaani arlalinnik piaqqiorfeqarput. Appat taateraallu piniagaanerisa nalaanni Kalaallit Nunaanni piniarneqartartut pingaarutillit ilagaat, taamaattumillu Pinngortitaleriffiup nakkutigisassaanut ilaallutik. Pinngortitaleriffiup nalunaarsuinissamut pilersaarutaa naapertorlugu Arsup Kangerlua ukioq manna kisitsiffigineqartussaavoq.
Biologit Aili L. Labansen aamma Maia Olsen kisitsisuupput.
- Timmissanik ulluniittunik kisitsinerullunilu timmissat ineqarfiinik assiliortuineruvoq, kingusinnerusukkut timmissat assiniittut allaffimmi kisinneqassallutik. Taakku saniatigut ullut unnuallu ingerlanerini arlaleriarluta alapernaarsuisarpugut, timmissat ineqarfiisa immikkoortui aalajangersimasut ullaaralaamiit unnuamut nalunaaqutap akunneri iluitsukkaarlugit assiliortortarlugit (study plots)´Aili l. Labansen kisitsineq pillugu nassuiaavoq.
Timmissat piaqqiorfianni kisitsinermi kiinaaleeqqamik, kissaviarsummik, nattoralimmik terianniamillu biologit takusut pinngortitaleriffiup nittartagaani atuarneqarsinnaavoq.