Arsummi nalliuttorsiorneq naggataarneqarpoq

Arsuup tunngavileqqaarneqarnerminiit ukiunik 200-nngortorsiorneqarnera ulluni arlalinni malunnartinniarneqareerluni ullumikkut naggataarnersiorneqarpoq.

Ullaatungaa erfalasulernermik aallarnerneqarpoq, nunaqarfimmi aqutsisut siulittaasuat oqaaseqarpoq, tussiaqatigiittoqarpoq erinarsoqatigiittoqarlunilu. Ullaakkorsioqatigiittoqarpoq palasilu Jonathan Motzfeldt naalagiartitsilluni. Katersortarfimmi ulloqeqqanut kalaaliminertuuttoqarpoq, kingornagullu utoqqaat illuanni kaffillertoqarluni.

Aamma ualinerani assigiinngitsunik aliikkutassaqartitsisoqassaaq unnugulu qittannersuaqassalluni.

Oqarasuaatit angallattakkat ippassaq aamma atoqqaartinneqarmata innuttaasunut tikeraanullumi alutorineqaqaat.

Arsummi siallerpoq anoreqaranili.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat