Arsariat angallateeqqanik assartorneqartarput

Kalaallit Nunaanni arsartartut illoqarfimmut allamut unammiartussatillugit angalaniarneq kipiluttunarluinnartarpoq, allatullu ajornartumik ilaat angallateeqqanik assartorneqartariaqartarput, tamannalu navianarluinnartuusoq Kalaallit Nunaanni arsartartut kattuffianni siulittaasup Lars Lundbladip oqaatigaa.

- GBU malittarisassaqarpoq ajornanngippat angallatinik akuerisaasunik angallannerit ingerlanneqartassasut, kisianni ukiut kingulliit taamaakkunnaarnikuuvoq pissutigalugu angallannikkut pissutsit allanngornikuunermik, Lars Lundblad oqarpoq.

Taanna erseqqissaavoq angalanissat ajornakusoornerulernikuusut.

- Arsaattartut unammiartortut 15-20-ikkaartaramik taamaalilluni ilaaniarneq assigiinngitsuni piffinni ajornakusoortorujussuanngornikuuvoq ilaasortatsinnut, taamaattumik angallateeqqanik angalasoqartariaqartarpoq annerusumik, tamannalu assorujussuaq ernumanartoqarpoq, oqarpoq.

Kalaallit Nunaanni arsartartut kattuffianni ilaasortat 6000-t missaanniipput, taakkunanngalu 2000-t missaanniittut aasaanerani unammiartorlutik angalasartut Lars Lundbladip oqaatigaa.

Taassuma aamma erseqqissaatigaa angalaniarnerup kipiluttunarnera ukiut tamaasa piuartoq, ingasatsikkaluttuinnartorli.

- Assersuutigalugu arnat inersimasut pissartanngorniunnerat Ilulissani arfininngormat naammassivoq, tassani unammisut Uummannarmiut Ilulissaniit angallateeqqanik aaneqarlutik unammiartorput. Unnuaannarlu ingerlagamik ilaat nikorfaannarlutik unammiffimmut ingerlapput, aqqutaallu ungasiartorujorujussuummat takuneqarsinnaavoq akisussaassuseq tassaniittoq aaqqittariaqartoq, oqarpoq.

Lars Lundblad aamma oqarpoq tamanna unammiartortut akornanni eqqartorneqartoq.

Lars Lundblad erseqqissaavortaaq siusinaarluni inniminniigaluaraanniluunniit arsarnermi annguttut kingulliit aatsaat juulip aallartisimalernerani pisarmata, angalaniarneq ajornarnerulertartoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat