Isikkamik arsaalluni ukioq manna pissartanngorniunnermi arsallammattut toqqarneqarpoq Angutinnguaq Petersen, timersoqatigiiffik Kugsak 45-meersoq. Arsaannermi arsaqatigisami akornanni isiginnillaqqissutut ,arsaatillaqqissutut teknikimillu piginnaasaqarluarnera dommerit naliliineranni isiginiarneqarpoq.
Mads Maqe, timersoqatigiiffimmi B-67-imeersoq, arsaattartut akornanni arpalluartarnera arsamillu aqutsillaqqinnera pillugu ukioq manna aamma toqqarneqarpoq.
Saassussillaqqissutut toqqarneqarpoq Niels Peter Thorning, TM-62 Kulusummi timersoqatigiiffimmeersoq. Toqqarneranut pissutaavoq nissumigut akornusersimagaluarluni sunngiusaasuullunilu arsaattuni siuttuunera.
Arsallammattut toqqarneqartut saniatigut, arsaattartut aqqanillit timersoqatigiiffinnit assigiinngitsuneersut ukiup arsaattartoqatigiivisut toqqarneqarput.
Toqqarneqartut makkuupput:
Målmand: Isak Jensen, K-33
Ajuutsitsinaveersaartut:
Hansinnguaq Grønvold, Kugsak
Peter L. Tittussen, K-33
Niels Thomsen, N-48
Jim Degn Olsvig, aamma N-48
Kinguarsimasutut:
Thomas Abelsen, TM-62
Kaassa Zeeb, Malamuk
Jens Jakob Hansen, Kugsak
Allan Jeremiassen, aamma Kugsak
Siukkatullu:
Tom Nielsen, K-33
Aqqalu Zeeb, Kugsak.