Arsakut qullaasut: Kangerlussuaq matulinnguatsiarpoq

Kalaallit Nunaata iluani tallimanngornermiluunniit Atlantikoq qulaallugu timmisartuussinissanut tunngasunik erseqqissumik oqaaseqarsinnaanngilagut. Nuuk kisimi ammavoq, Kangerlussuarlu qanittukkut aamma matussaaq, Air Greenland taama nalunaarpoq.

Taamaammat Air Greenlandimi qanoq pisoqarnissaa utaqqisariaqarparput. Massakkorpiaq Kalaallit Nunaata qeqqani avannaanilu silaarnartaq suli matoqqavoq. Kujataanullu timmisartuussinissat sila peqqutigalugu taamaatinneqarput, Air Greenland nalunaarpoq.

Timmisartortitseqatigiit angalaniat qinnuigaat Air Greenlandip nittartagaa atorlugu malinnaaqullugit aammalu pisut nutarteraangata tusagassiutinut nalunaaruteqartassallutik

Avannaani Qeqqanilu silaannartaq timmisartorfigeqqusaajunnaarallaqqavoq. Kujataanut kujataaniillu timmisartuussinissat aamma tamarmik taamaatinneqarallarput.

- Nalunngilarput ilaasussatsinnut tamanna nukillalaarnartoq, angallannerullu aaqqissuunnera sapinngisarput tamaat iluarsiiviginiartuarlugu. Missingersuutinillu angallannerup ingerlaqqinnissaanut tunngavigisinnaasatsinnik pissarsiniariarutta avammut nalunaaruteqarfigisartakkagut aqqutigalugit nalunaaruteqassaagut, Niuernermut pisortaq Christian Keldsen oqarpoq.

Angalanissat pillugit Air Greenland ualimut sisamanut paasissutisseeqqissalluni pilersaarpoq.