Arsakut Kalaallit Nunaannut unnuaru annguttussanngorput

Islandimi innermik anitsinermit arsakut qullaassimasut Canadap kitaata sineriaa aqqusaarlugu Nunatta kujataatungaanut unnuap qeqqata ullaassakkullu arferngup akornanni annguttussanngortut, Danmarkimi silasiorfimmit DMI-mit nalunaarutigineqarpoq.
apriilip 19-at 2010 10:46

Arsakut Kalaallit Nunaannut annguttussat qanoq siammasitsiginersut maannangaaq oqaatigisinnaanngilarput, Danmarkimi silaannakkut angallassinermi silasiortoq, Thomas Madsen oqarpoq.

Arsakut Kalaallit Nunaannut siaruaattussaanerat maannamut malinnaaffigeqqissaarneqarpoq, Londonimi qitiusumik siunnersuisarfimmit pisortatigoortumik paasissutissat pissarsiarineqartartut aallaavigalugit alaatsinaattoqaqqissaartoq, Danmarkimi silasiorfimmit oqaatigineqarpoq.

Arsakut Danmarkimut anngummatali DMI-p Danmarkimi mittarfeqarfinnut aarlerisaaruteqartarpoq.

Arsakut 6 kilometerinik qullasitsigilerpata Kalaallit Nunaanni mittarfeqarfiit DMI-ip Kangerlussuarmi immikkoortortaqarfianit kalerriortorneqassapput.

- Kisianni arsakut Kalaallit Nunaannut annguppata tamanna silaannakkut angallassinermut qanoq sunniuteqartigissanersoq maannangaaq oqaatigisinnaanngilarput, DMI-mi silaannakkut angallassinermi silasiortoq, Thomas Madsen nassuiaavoq.

Ilanngutassiaq Qanoruumi unnugu takuneqarsinnaavoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq