Arsakut Europamut teqqalasut naviananngillat

Islandimi qaqqap innermik anitsisartup Europap nalaani upernaaq arsakut teqqalatitai peqqissutsimut navianartorsiortitsisimanngillat.
oktobarip 05-at 2010 08:56

Nalunaarusiami nutaami tamanna erseqqissaatigineqarpoq.

Ilisimatuut Tuluit Nunaanneersut, Islandimeersut, Italiameersut USA-meersullu arsakunik, qaqqap innermik anitsisartup, Eyjafjallajökullip, teqqalatitaanik Europap nalaani teqqalasunik misissuisimapput.

Tassalu paasineqarpoq arsakut navianartuusimanngitsut.

- Teqqalatitat misissorneqarmata sananeqaatit minnerit puannut anersaartuutinullu imannguaannaq ajoqusiisinnaasut nassaarineqarput, nalunaarusiami "Iceland Ash Health Report"-imi allassimavoq.

Upernaaq teqqalatitaqallarmat timmisartorneq tassa eqqugaanerpaavoq, nunanimi arlalinni tamanna unittuuvimmat.