Arsakut Canadamut anngunnissaat aarlerisaarutigineqarpoq
Naatsorsuigallarnerit takutippaat arsakut Canadap kangisissuata sineriaanut uagut nalunaaqutarput malillugu ullup-qeqqata siorna nalunaaqutaq qulinut anngutissasut. Nutaarsiassaqartitsivimmi Ritzauimi tamanna allaaserineqarpoq.
- Nuissat sinneri Paggivittap nalaanut pissagunarput, silasortoq Bob Syvret oqarpoq.
Arsakut qaqqap innermik pingasunngormat anitseqqaarneraneersuugunarput, naqitsinertuffiup taakku Canadap nalaanukartissimavai.
Arsakulli anorip sammivia pissutigalugu kangimut ingerlaarsimapput, Europallu annersaani silaannakkut angallannermut assut ajornartorsiortitsisimalluni. Imarpik qulaallugu timmisartuussinissaq Air Greenlandip aamma taamaatiinnarsimallugu, Kastrupimukarnissaraluit tamaasa pingasunngorpat tungaanut taamaatinneqarallarlutik.
Tuluit Nunaanni silasiorfimmeersut ilimagaat arsakut Canadap nalaanut anngutereerunik kingumut kangimut Atlantikup nalaata tungaanut illuariartoqqilissasut.
