Arsakunit frimærkiliat tuniniagaalerput
Islandimili allakkeriviup tamanna puiguinnarusunngilaa.
Tassami allakkeriviup frimærkit immikkut ittut pingasut qaqqamut innermik anitsisumut pigititatut saqqummersinniarpai.
Frimærkini qaqqap innermik anitsinera sammivinnit assigiinngitsunit pingasunit takutinneqassaaq, frimærkinillu nalinginnaasunit allaanerussallutik. Tassami naak nalinginnaasumik naqitaagaluarlutik kingornatigut arsakumit anitsinerup kingornagut katersorneqarsimasumit saattunnguamik qallerneqarsimagamik.
Anillaatsitat taakku nunap iluanit 7 kilometerisut ititigisumeersuusut, sermimullu qaqqap innermik anitsisup eqqaanut nakkaramik 1100 gradinik kissassuseqarsimasut oqaatigineqarpoq.