Arsaattunik nuannarisallit pakatsissapput
TV2p aallakaatitassaminik allannguinera nunatsinni arsaattunik nuannarisallit malugisussanngorpaat.
Tassa TV2p aallakaatittussaajunnaarsimavaa EMimut anngunniunnermi Danmarkip Norgellu unamminissaat pingaaruteqaqisoq. Taamaammat nunatsinni aamma aallakaatinneqartussaajunnaarpoq.
TV2 2010-mi KNRimut ilisimatitsigaluarpoq EMimut anngunngiunnerit tamaasa aallakaatissallugit. Maannali ilisimatissutigineqarpoq aallakaatitsinissamut akuersissut TV3 Pulsip pissarsiarisimagaa.
Kanaali taanna aningaasarsiornissaq siunertaralugu pilersitaasoq KNRip aallerfigisinnaanngikkaa, KNRimi siuarsaavimmi pisortaq Niels Pavia Lynge ilisimatitsivoq.