Arsaattunik aallakaatitsinermi pisoq KNR-ip ajuusaarutigaa
Ajutoorneq pimmat KNR-imi teknikkeriusut ingerlaannartumik suliassatik aaqqinniarlugit iliuuseqarput, taamaasilluni KNR-ip atortuisigut allatigut aallakaatitsineq Danmarkip Portugalillu unamminerat toqqaannartumik aallakaatinneqarsinnaasimalluni.
Aaqqiiniarnerulli ilungersunarsiffiata nalaani aallakaatitsivimmiittuusup tuugassaq kukkusoq Danmarkimut toqqaannaq atasoq toortoorsimavaa, taamaalinerani Danmarkimiit aallakaatinneqartoq ’Nøgne bekendelser’ KNR-ikkut arsartut inangerlugit sekundialunnik nuigaluarsimalluni. Sekundialunni taakkunani DR2 Tema Lørdag-p aallakaataani arnaq kiateqanngitsoq takuneqarsinnaasimavoq. Ajutoorneq piffissami tassanerpiaq pivoq, maannakkullu pisoq qaangiutereerpoq tamannalu KNR-imiit ajuusaarutigaarput.