Arsaattulerisut pillagaalerput
Arsarluni VM-ertoqarnerata nalaani, Tuluit Ecuadorilu unammimmata, danskit sakkuttuui Irakimiittut, isiginnaarnermik nalaani 25-it immiaarartuussimammata angerlartitaasinnaanissartik natsorsuutigisinnaavaat.
- Sakkutuut taakkua inuunerminni immiaarartukkamik akisunersaat misigissagunarpaat, sakkutooqarfimmi pisortaq Henrik Berg oqarpoq.
Sakkutuulli pineqartut ajortuliorsimasutut misigisimanngillat.
- Tamattaalluta arsartunik isiginnaarnitsinni immiiaaqqat marluk annerpaamik imerpagut, arlaannarpulluunniit aamma tujorminartuliorsimanani, sakkutooq pillagaasussaq Jan Lings oqarpoq, nangillunilu: - Danevang Camp-imiittuusugut tamangajassuatta angerlartinneqarniarutta qanoq pisoqassagami? Sakkutooqartariaqarpormi.
Sakkutuulli Danevang Camp-imi pisortaat Henrik Berg oqarpoq, sakkutuut tamarluinnarmik ilisimagaat immiaarartoqqusaanatik, oqaatigisinnaannginnerarpaali angerlarartinneqassanersut.
