Arsaattartut hashitorsimasut qaammatini pingasuni peqataaqqusaajunnaarput
Qaqortumi aggustimi pissartanngorniuttoqarmat, arsaattartut marluk quui hashimik akoqartut Nukkassaatit/qasujaallisaatit atugaannginnissaat pillugu ataatsimiititaliap misissuinerata takutippaa.
Allattoq Louise M. Kleemann
Arsaattartut pineqartut marluk Nukkassaatit/qasujaallisaatit atugaannginnissaat pillugu ataatsimiititaliamit aggeqquneqaraluarlutik takkutinngillat. Taamaattumik timersortartut taakku marluk sungiusarnernut, unamminernullu qaammatini pingasuni peqataaqqusaajunnaassasut dopingnævnip aalajangerpaa.
Aatsaat taama sakkortutigisumik nukkassaatinik imaluunniit sukasaatinik atuisimasunut pineqaatissiisoqarpoq. Hashi nukkassaatitut isigineqarsinnaanngikkaluartoq Kalaallit Nunaanni inerteqqutaanera matumani tunngavilersuutigineqarpoq.