Arsaattartoq ammip qalipaataanik assigiinngisitsisoq

Timersoqatigiiffimmi Kagssagssukmi isikkaamik arsaarttartoq Kalaallit Nunaani Isikkamik Arsaattartut Kattuffiannit arsaannissanut peqaasinnaajunnaarsinneqarpoq, 

GM-imut anngunniunernermi  B-67 Nuuk aamma Kagssagssuk Maniitsoq unammineranni  Kagssagssummi arsaattartut ilaata,  B-67-imi sungiusaasup Tekle Ghebrelulip assinganik attaveqatigiittarfiit ilaannut ikkussisimavoq. 

Attaveqatigiiffimmi assimik ikkussami sungisaasoq baananit aabakaallu assinginik ikkussiffigineqarsimavoq attaaveqatigiitarfimmilu takusassianngortillugu, tamannalu ammip qalipaataanik immikkoortitsinertut isikkoqartoq GBU-mi siulittaasoq John Thorsen oqarpoq.

AAMMA ATUARUK Kâgssagssuk utoqqatsertoq

Tamanna pillugu Kalaallit Nunaani Isikkamik Arsaattartut Kattuffiat ilisimatinneqarpoq

Kalaallit Nunaani Isikkamik Arsaattartut Kattuffianni siulittaasoq John Thorsen taama oqarpoq. 
Taama iliortoqarsimanera pillugu timersoqatigiiffimmi Kagssagssuk arsaattartumut arsaatttartut kattuffiannit kinguneqartitsisoqarpoq.

- Kalaallit Nunaani Isikkamik Arsaattartut Kattuffianni siulersuisut amerlanerussuteqartut isumaqatigiissutigivaat,  timersoqatigiiffimmi Kagassassukmi arsaattartoq GM-imut anngunniunnermi peqataasinnaajunnaassasoq,  ukiamullu illup iluani isikkamik arsaalluni unammissanut peqataassanngitsoq, John Thorsen oqarpoq.

AAMMA ATUARUK Ammimi qalipaataa tunngavigalugu nikassarneqarnini aalassaatigigaa

Pisoq Kalaalit Nunaani Isikkamik Arsaattartut Kattuffianni naleqartitanut naapertuutinngitsoq siulittaasoq oqarpoq. 

Arsaattartup assinik taamatut ikkussuisimanera timersortartorpalaanngitsutut GBU-mit isigineqarpoq,  taamaaliornerlu pinerluttaalisitsinermut kalluisuummat piaartumik qanoq iliuuseqarusussimavoq iliuuseqarlutalu,  John Thorsen oqarpoq.

Arsaaattartut Kattuffiaata timersoqatigiiffik Kagssagssuk pisoq pillugu attavigisimavaa, siullittaasullu sungiusaasuutigisup pisoq ajuusaarnartutut taavaa taamaliortoqarsimanerannillu ilisimasaqarsimanani, siulittasoq John Thorsen KNR-imut oqarpoq.

Tekle Ghebrelul Nuummi  B-67-mi sungiusaasoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat