Arsaannissarsuaq piareersarfigineqarpoq
Arsaalluni nunarsuarmi pissartanngorniuteerarnissami Hamborgimi ingerlanneqartussami nunatta unammiartortitassai piareersaleruttorput. Sungiusaasup Jens Tangip unamminerni naapissinnaasatik merserivallaanngilai, tassaammata Zanzibar, Gibraltar Tibet-ilu.
-Nunanut allanut unammiartortarnissanut sungiusaataassaqaaq. Ukiormi allortarlugu Qeqertaararmiut unammersuarnerinut peqataasarneq amigartoq, siorna isumaqatigiissutigaarput, nunatta nunanut allanut unammisartuinut sungiusaasoq Jens Tang isumalluaqisoq oqaluttuarpoq.
-Unammiffipiluunersuarmi nunanut allanut arsaattartutta unamminissaat misilittakkatigut iluaqutaassaqisut, Jens Tang oqaluttuarportaaq.
Tallimanngorpat nunatta arsaattussaasa unamminerni siullerni sumiut naapissaneraat makitsissutigineqassaaq.
