Arsaannermik pissartanngorniunnerni aporaattoqarpoq
Unammineq aallartissimatsiaannartoq isiginnaartut tusintilikkaanik amerlatigisut, arsaaffimmut isaallutik ajattaanneranni inuppassuit arlaqartut aqqunartiterput.
Inuit 20-it ajoqusersimasut napparsimmavimmi passunneqartariaqarsimasut politiit oqaaseqartartuat oqarpoq, Nigeriamiut arsaattartuinik isiginnaariat, isissutissanik salluliuutinik bilitseqarlutik isersimasut, amerlasuut arsaattarfimmut piniarnerminni ajoquserput.
Nigeriamiut Korea Avannarlermiullu arsaallutik unammipput Thembisami arsaattarfimmi Makhulong Stadion-imi illoqarfissuup Johannesburg avatinnguani.
Arsaattarfimmi inuit 10.000-it isiginnaarsinnaapput. Unammiffiusoq VM-imi pissartanngorniunnermi unammiffiussanngilaq.
Nunarsuarmi isikkamik arsaalluni pissartanngorniunnerit tallimanngorpat juunip aqqarnanni aallartissapput. Nalunaaqutaq ullup qeqqanut KNR-TV-kkut Sydafrikap Mexicomut unamminerat aammaanersiornertalik isiginnaarneqarsinnaavoq.