Arsaannermi GMit marluk aallartilerput
![](/sites/default/files/styles/image_934x467/public/article_images/damefodbold_nuuk2.jpg?itok=bSv2JiWP)
Pissartanngorniunnernik aaqqissuisut T-41 Aasianniit aamma Nagdlúnguak Ilulissaniik U-18-it GM-qarneranni ammaanersiorluni unammissapput nalunaaqutaq ataatsimut.
Pissartanngorniunnerit naggataarneqarneranni tallimanngornerup tungaanut ingerlasussani iligiit arfineq pingasut peqataapput. Ilaatigut takuneqartussat ilagaat klubbi nutaaq FC Qassutit Ilulissaneersoq. Taakku puljeqatigaat Kingmek 45 Upernavimmiik, B-67 Nuummiik aamma K-33 Qaqortumiik.
Puljep aappaaniipput Nagdlúnguak Ilulissaniik, T-41 Aasianniik, NÛK Nuummiik aamma N-85 Narsamiik.
Puljeni pitsaanerit marluk semifinalenut sisamanngorpat pisussanut ingerlaqqissapput GM-ilu naggaserlugu ujaminnanniulluni tallimanngorpat unammisoqassaaq.
Aasiannilu ammaanersiortut aallartinneranniit nalunaaquttap akunneri marluk qaangiutiinnartut ammaanersiorluni unammineq alla Nuummi aallartissaaq
Tassa arnat pissartanngorniunnerat aallartillugu K-33 Qaqortumeersoq aamma KB-84 Kangaatsiameersoq unammissammata. Arnat pissartanngorniunneranni puljeni pikkorinnerit semifinalenut sisamanngorpat pisussanut ingerlaqqissapput
Aajuna ullumi nukappissat U-18-it Aasianni unamminissaasa tulleriiaarnerat:
Nal. 13.00 T-41 - Nagdlúnguak
Nal. 15.00 Kingmek 45 - FC Qassutit
Nal. 17.00 B-67 - K-33
Nal. 19.00 NÛK - N-85
Aajuna arnat unamminissaasa tulleriiaarnerat:
Nal. 15.00 K-33 - KB-84
Nal. 17.00 Disko 76 - B-67
Nal. 19.00 T-41 - I-69