Arsaannermi GM: Sisimiormiut kinguussaalerput
GM-imik aaqqissuisut SAK-meersut pissartanngorniunnerni aallartilluarpallaanngillat unammersuarnerit sapaat 14. august aallartimmata. Aaqqissuisut T-41-mit ajorsartinneqarput 4-1-mik ukiorpaalunngortunilu aatsaat siullermeerutaasumik T-41 unammersuarnerit naggataarneqarneranni peqataavoq.
SAK malinnaanerusimasinnaagaluarpoq isertitsinissamut periarfissat arlallit atorluarsimasuugunigit arsalli apuunniarnera tassa ajornartorsiutigaat. SAK-mullu suli ajornarseriaannarpoq kinguarsimasut ilaat Niels Poulsen anisitaammat aappassaa mianersoqqussummik nittaavigineqarnermi kingorna.
GM-imi siorna finalemi unammisuusut B-67 Nuummeersoq aamma G-44 Qeqertarsuarmeersoq 0-0-mik naligiiginnarput. Unamminermi annertuumik taktikkertoqarpoq isertitseriarnissamut periarfissat akuttoqalutik. G-44-rmiut unamminermi amigaatigaat John Ludvig Broberg siorna arsallammattut toqqarneqartoq. Taanna ajoquteqalaarnini pissutigalugu sapaammi unamminermi peqataanngilaq.
Sapaammi unamminerit pingajuanni unammipput Nagtoralik Paamiuniit aamma K-33 Qaqortumiik. Tassani Paamiormiut ajugaapput 1-0-mik. Sapaammi kingulliullutik unammipput FC Malamuk aamma Eqaluk 56 Ikerasammeersoq Uummannap sulluani. Tassani FC Malamuk 3-1-mik ajugaavoq.
Aajuku sapaammi angusat:
SAK – T-41 4-1
B-67 – G-44 0-0
Nagtoralik – K-33 1-0
FC Malamuk – Eqaluk 56 3-1
Pulje 1-imi inissinnerat:
| 1. FC Malamuk | 1 unammineq | isertitat 3-1 | 3 point | |
| 2. B-67 | 1. unammineq | isertitat 0-0 | 1 point | |
| 3. G-44 | 1. unammineq | isertitat 0-0 | 1 point | |
| 4. Kugsak 45 | 0. unammineq | isertitat 0-0 | 0 point | |
| 5. Eqaluk 56 | 1. unammineq | isertitat 1-3 | 0 point |
Pulje 2-mi inissinnerat:
| 1. T-41 | 1. unammineq | isertitat 4-1 | 3 point | |
| 2. Nagtoralik | 1. unammineq | isertitat 1-0 | 3 point | |
| 3. Kâgssagssuk | 0. unammineq | isertitat 0-0 | 0 point | |
| 4. K-33 | 1. unammineq | isertitat 0-1 | 0 point | |
| 5. SAK | 1. unammineq | isertitat 1-4 | 0 point |
Aajuku ataasinngornermi unamminissat
Nal. 13.00 Kugsak 45 – G-44 (KNR-imi TV-kkut radiokkullu toqqaannartumik aallakaqaatissaaq)
Nal. 15.00 Kâgssagssuk – Nagtoralik (KNR-imi TV-kkut radiokkullu toqqaannartumik aallakaqaatissaaq)
Nal. 17.00 B-67 – FC Malamuk
Nal. 19.00 SAK – K-33
video platform video management video solutions video player
