Arsaannermi GM franskit tv-anniissaaq

Canal+-imiit filmiliortut Sisimiuni arsaalluni GM-rtoqarnerani malinnaapput.
Allattoq Noah Mølgaard
aggustip 18-at 2011 09:11

TV-liortut Canal+-imeersut angallammut Aasianni ikipput tassanngaanniillu Kugsak 45 Qasigiannguaneersoq malinnaaffigilerlugu. Aallakaatitassiamili Kugsak 45 kisimi sammineqassanngilaq.

- TV-liortut arsartutta ilaat aamma malinnaaffigaat ilaatigut angerlarsimaffianut pulaarlug u immiussillutik aammalu unamminerit naammassineranni apersortarlugu, SAKp arsaannermut immikkoortoqarfiani siulittaasoq Fali Kleist taama KNR-imut oqaluttuarpoq.

Siornatigut nuna tamakkerlugu sungiusaasoq Jens Tang Olesen franskit tv-qarfiannut siunnersortaasimavoq klubbinullu nunatsinneersunut attaveqarnissaanni ikiuulluni.

- TV-liortut aamma meeqqat sungiusartut malinnaaffigaat taamaasillutik nunatsinni arsaattarneq tamakkiinerusumik takusassiariniarlugu, Fali Kleist oqaluttuarpoq.

Suli nalunarallarpoq qaqugorpiaq aallakaatitassiaq Canal+-mi aallakaatinneqassanersoq.