Arsaanneq pillugu isumaqatigiissusiorput
PAARISA aamma Isikkamik Arsaattartut Kattuffiat meeqqanut inuusuttuaqqanullu nunaqarfinni Coca Colap arsaannermik ilinniarfiata ingerlanneqartalernissaa pillugu suleqatigiinnissamik isumaqatigiissuteqarput.
Peqqissutsimut Pisortaqarfik taama nalunaaruteqarpoq.
Allattoq Mads Lynge
decembarip 27-at 2007 11:41
Coca Colap arsaannermik ilinniarfii nunaqarfinni tamani ukiuni pingasuni tulleriinni ingerlaneqassapput.
Nunaqarfinni sungiusaasussat arsaannermillu ilinniarfinni sungiusaasussat pikkorissarneqassapput.
PAARISA ukioq 2010 ilanngullugu 200.000 koruuninik ilinniarfinnik aningaasalersuissaaq, sungiusaasussat taamanikkussamut pikkorissarneqareersimassallutik.
Meeqqat inuusuttuaqqallu tallimat 15-illu akornanni ukiullit arsaannermut tunngasunik ilinniarfinni misigisaqarnissaat siunertarineqarpoq.
Arsaannerup ikinngutigiinnermut kiisalu timimik atuinermut aqqutaalluarsinnaanera eqqarsaatersuutigineqarpoq.
Isumaqatigissut Peqqissutsimut Pisortaqarfimmi aqagu atsioqatigissutigineqassaaq.
