Arsaalluni Qaqortumi GM-ernissaq aqagu aallartissaaq

Kalaallit Nunaanni Arsaattartut Kattuffianni, GBU-mi, siulittaasoq, Lars Lundblad, oqaluttuarpoq, arsaaffissaq Qaqortumi kommunip sapaatip-akunnerata kingulliup ingerlanerani piareersareeraa sinerissamiillu unammiartortussat ikiortaallu 150-it missaanniittut tamaasa illoqarfimmut tikinneranni aaqqissuisisut, K-33-p inissaqartereeraat.

Siorna pissartanngortut, Nagdlúnguaq, N-48, Ilulissaneersut, Qaqortumut tikereerput, soorluttaaq nunaqarfimmit Tasiusameersut, Eqaluk-54, tikereersut. Unammisussallu sinneri timmisartumut umiarsuarmullu ilaallutik ullumi tikerassasut oqaatigaa.

-Neriuppunga maanga unammiartortussarpassuit ataqatigiissaarniarneranni ajornartorsiutit arsaattarfimmi takutitsilluarnermik maanna taarserneqassasut, siulittaasoq neriulluaqisoq oqarpoq.

Isikkamik arsaalluni pissartanngorniunnerit sisamanngornermi nalunaaqutaq ataatsimut aallartinneranni B-67 Nuummeersut K-33-imut Qaqortumeersunut unammissapput.

Unamminerit ualikkut ingerlanneqartussat tamarmik KNR-Radio-kkut TV-kkullu aallakaatinneqassapput.