Arsaalluni DK-imi VM-ernermi kalaaleq peqataassaaq
Angerlarsimaffeqanngitsut Københavnimi Rådhuspladsimi juulip ulluisa 29-anniit aggustip ulluisa sisamaata tungaanut aqqusinermi isikkamik arsaallutik nunarsuaq tamakkerlugu pissartanngorniutilerpata kalaaleq 36-nik ukiulik peqataassaaq.
juulip 25-at 2007 07:59
Taanna tassaavoq Erik Ludvigsen, Nuummeersoq.
Erik Ludvigsen sanasutut ilinniarsimasuuvoq, illuliornermullu konstruktøritut ilinniagaqarniarluni Danmarkimut siorna aallarpoq. Atuarnerminili artorsarsimavoq taamaatiinnarsimallunilu, maannalu aningaasanik ikiuutisiaqarluni inuuvoq, Århusimiinnerullunilu, taama oqaluttuarpoq nittartagaq ”ombold naggat dk”
Projekt OMBOLD-ip aaqqissuuttarpaa inuiaqatigiinnit katataasimasut angerlarsimaffeqanngitsullu isikkamik aqqusinermi arsaallutik VM-ernermik taallugu pissartanngorniuttarnerat, tamannalu angerlarsimaffeqanngitsut inuttullu katataasimasut namminertut inuttullu iluaqutigisaqaat.
