Arpattartorpassuit tammaaneqaleraluartut
Arpattartut 1.700-t sakkortuumik arpannermi Original Mountain Marathonimik taagorneqartumi peqataasut ullaaq manna Tuluit Nunaata avannaani arpatsillugit tammaaneqaleraluarput. Sila tassanngaannaq ajorteriataarsimavoq tassanngaannarlu arpattorpassuit tammaaneqalerput, taama dr.dk allaaserinnippoq.
oktobarip 26-at 2008 13:52
Arpaffiup nalaa anorersuup sialussuup qarsutsinersuullu nalaappaa, annaassiniartartut unnuaq tamaat ullaap tungaalu tamaat arpattorpassuarnik ujaasisimapput.
Qanittukkullu oqartussaniit nalunaarutigineqarpoq arpattorpassuit tamarmik ajunngitsut nassaarineqarsimasut. Taakku ilarpassui sumi tamaani unnuisariaqarsimapput 100-likkaallu qaarusutoqqani sinissimapput 400-ullu naasorissaasuni oqquiffissarsisimallutik.
Original Mountain Marathonimik arpatsitsisarneq 1968-mili aallartinneqarpoq, 80 kilometeri arpanneqartarpoq katillugillu 3.000 meterimut qummukartoqartarluni.
