Arpattartoq angalatooq nunaminut annguppoq

Wales-imiu 61-inik ukiulik, Rosie Swale Pope, aanaajusoq, nappaat kræfti pillugu paasisitsiniaalluni nunarsuarmik kaajallaalluni ukiuni tallimani angalareerluni, Tuluit Nunaannut kiisami uteqqammerpoq.

Rosie Swale Pope januaarip qaammataani aamma Narsarsuarmiillunilu Nuummiippoq.

- Angalanera pikkunarsimaqaaq, akilersinnaasimavorli, Rosie Swale Pope tuluit aviisiannit, The Sun-imit, apersorneqartilluni oqarpoq.

Arnaq taanna ukiuni tallimani angalagami kilometerit 40.000-it pallillugit arpassimavoq, nunallu aqqaneq-marluk aqqusaarlugit. Kalaallit Nunaanniikkami Radioavisimut oqaraluarpoq, sermersuup itivinnissaa aamma neriuutigigini, piffissaalatsigamili eqqarsaanni taanna taamaatiinnarpaa.

Rosie Swale Pope nunarsuarmik kaajallaanini pillugu atuakkiulersaarpoq. Atuakkiornissani aallartingajalerpaa, taamaaliortinnanili angalanini naggaserlugu Tuluit Nunaanni kilometerit tusindterpaaluit arpaqqaarniarpoq, tamannalu pereerpat illoqarfimmut kingornivimminut, Wales-imi illoqarfimmut, Tenby-mut, aatsaat utissaaq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat