Arpattartoq angalatooq nunaminut annguppoq

Rosie Swale Pope januaarip qaammataani aamma Narsarsuarmiillunilu Nuummiippoq.

- Angalanera pikkunarsimaqaaq, akilersinnaasimavorli, Rosie Swale Pope tuluit aviisiannit, The Sun-imit, apersorneqartilluni oqarpoq.

Arnaq taanna ukiuni tallimani angalagami kilometerit 40.000-it pallillugit arpassimavoq, nunallu aqqaneq-marluk aqqusaarlugit. Kalaallit Nunaanniikkami Radioavisimut oqaraluarpoq, sermersuup itivinnissaa aamma neriuutigigini, piffissaalatsigamili eqqarsaanni taanna taamaatiinnarpaa.

Rosie Swale Pope nunarsuarmik kaajallaanini pillugu atuakkiulersaarpoq. Atuakkiornissani aallartingajalerpaa, taamaaliortinnanili angalanini naggaserlugu Tuluit Nunaanni kilometerit tusindterpaaluit arpaqqaarniarpoq, tamannalu pereerpat illoqarfimmut kingornivimminut, Wales-imi illoqarfimmut, Tenby-mut, aatsaat utissaaq.