Arpallammak nunatsinnut tikeraalerpoq
800 meterimut arpattartoq nunarsuatsinnilu rekordiliinikoq Wilson Kipketer Kalaallit Nunaannut tikilerpoq.
Allattoq Apollo Jeremiassen
Arpattartup tusaamasap Maniitsoq, Sisimiut, Ilulissat Nuullu tikerassavai - illoqarfinnilu tikitamini piumasut tamarmik arpaqataaffigisinnaasaannik 800 meterimut arpattassalluni.
Arpanngikkaagami Wilson Kipketer oqalugiartassaaq.
Team Greenland aamma Kalaallit Nunaanni Timersoqatigiit Kattuffiata nunarsuarmi rekordiliinikoq qaaqqusimavaat. Kalaallit Nunaanni angalanerani Kim Godtfredsen angalaqataassaaq.
Kipketerip angalanera Maniitsumi maajip aqqarnanni aallartissaaq Ilulissanilu maajip 16-iani naammassissalluni.