Arne Geisler toquvoq

Arne Geisler kalaallini timersornikkut angusaqarluarnerpaanut akuulluinnartoq, 58-inik ukioqarluni toquvoq.

- Arne Geisler Qallunaat Nunaanni pissartanngorniunnerni ujamminik arlalinnik pissarsinikuuvoq. 1974-imi qullasinnerpaamik angusaqarpoq, taamani Danmarkimi pissartanngorami. Ukioq taanna Nunat Avannarliit pissartanngorniunneranni aamma bronzennappoq. Danmark sinnerlugu 14-eriarluni landskampeqarluni, Niels ”Aqqaluk” Benjaminsen Timersoqatigiit Kattiffiat sinnerlugu oqarpoq.

- Arnep timersuutini nuannarilluinnagaasa  aapparaat isikkamik arsarneq. Siullermik Danmarkimi IT-79 sinnerlugu arsaattartuuvoq kingornalu Nunatsinnut nuukkami annertunerpaamik NÛK sinnerlugu unammisartuuvoq. Kingullermik utoqqasaat Maniitsumi pissartanngorniunneranni  bronzennaqataavoq.

- Arnep timersornermik nuannarisaqarluinnarnera ilisarisimannittunit nalunnginneqarluarpoq. Inuuvoq inussiarnersoq ilassiortoq taamalu sineriatsini Danmarkimilumi kammalaaterpassuaqarluni. Arne Geisler eqqaaneqarnera ataqqinartuuli, Niels ”Aqqaluk” Benjaminsen Timersoqatigiit Kattiffiat sinnerlugu taama oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat