Arnavissat angutivissallu amerlaqitigiilersinniarpaat

Ivittuuni umimmaat ukioq kisinneqarmata paasineqarpoq umimmaqarfimmi arnavissat angutivissallu amerlaqatigiikkunnaarsimasut. Taamaattumik angutivissat arnavissallu amerlassusiisa maannakkut nikinganerujussuat pissutigalugu, ukioq manna pisassiissutigineqartut siornamut naleqqiullugit 75-nik ikilineqarput, amerlaqatigiikkiartulernissaat angujumallugu.
Allattoq Ludvig Siegstad
aggustip 02-at 2012 12:57

Ivittuuni umimmannik tammajuitsussarsiniarluni piniartitsineq siusinnerusukkut aaqqissuussaanerusumik pisarallarmat, soorlu arnavissat angutivissallu ima imalu amerlatigisut umimmattaritinneqartarallarmata, arnavissat angutivissallu amerlaqatigiikkannersimapput.

Kikkulluunniit piniarsinnaanermut allagartallit Ivittuut umimmaqarfianni maannakkut umimmanniartalermata, tamaani arnavissat angutivissallu amerlaqatigiikkuutaarneri nikingalersimapput.

- Amerlatigiippallaarunnaariartorneri pinaveersaarumallugu, inassuteqaatigineqartullu naapertorlugit, umimmaat piniarneqarsinnaasut ukioq manna 75-nik ikilivagut, Amalie Jessen, Aalisarnermut, Piniarnermut Nunalerinermullu pisortaqarfimmi allaffimmi pisortaq oqarpoq.

Umimmaat 300-it siorna pissassiissutigineqarput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq