Arnat volleyballerneranni GSS pissartaajuarsinnarput

Volleyballimik pissartanngorniunnerit Maniitsumi pipput, Arnat ajugaaniutivinnerat nalunaaqutaq marlunut pivoq, unammillutik AVI aamma GSS, GSS pingasoraarluni ajugaavoq, AVI marloraartut. Tassa GSS pissartatut suli taasinnaapput.
apriilip 03-at 2010 17:19

Arnat bronzinnanniunnerat ullup-qeqqata siorna nalunaaqutaq qulinut pivoq, PVN pingasoraarlutik tassani ajugaapput, KTVI ataaseraartut. Angutit nalunaaqutaq ullup-qeqqanut bronzinnanniupput, PVN tassani pingasoraarlutik KTVI ataaseraartut.

Angutit ajugaaniutivinnerat ualigaa nalunaaqutaq sisamanut pivoq, unammissallutik AVI aamma IVK. AVI pingasoraarpoq, IVK susaartut.

U/18 assammik arsarlutik Nuummi pissartanngorniummata nivissat GSS-imeersut ataasinngorpat ajugaaniutivinnissamut piareerput. GSS-imeersut kikkunnut ajugaaniutivissanersut suli nalunarluinnarallarpoq, unammisussanimi suli sisamaasunit pingasut suli unamminngillat.

Nukappissani unamminerit pissanganarluinnarlutillu unammisut naligeeqaat. Ippassaq Tallimanngornermi Tannaartumi ajugaaniutivinnerit tamarmik naligiiffiupput. GSS aamma Aqissiaq 30-30-raarput, Nûk SAK-lu 22-22-raarlutik.

GSS SAK-mut massakkut unammipput, aamma Aqigssiaq Nûmmut unammissallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq