- Oqaatigisinnaasara unaavoq arnat marluk toqutsisimasutut pasineqarmata. Tamarmik 15-it sinnerlugit ukioqarput, aappaa 18-it inorlugit ukioqarluni, aappaa 18-it sinnerlugit ukioqartoq, Louise Mundt Dinesen, Politimmestereqarfimmit unnerluussisussaatitaasoq oqarpoq.
- Toqusup aappaa imminut toqussimasutut nalilerparput, taannalu angut inuusuttuuvoq. Toqusulli aappaa toqunneqarsimasutut suliaraarput, taannalu angutaavoq 40-t sinnerlugit ukiulik, Louise Mundt Dinesen oqarpoq.
Arnat toqutsisimasutut pasineqarlutik tigummigallarneqartut savimmik kapisisimasutut ilaatigut pasineqarput.
- Arnat toqutsisimasutut pasineqarput ilaatigut savimmik kapisisimasutut aammalu toqutaminnut annersaasimasutut isummissaasimasutullu, Louise Mundt Dinesen oqarpoq.
Arnat toqutsisimasuut pasineqartut Aasianni Eqqartuussivimmi matoqqasumik killisiorneqareerlutik, aappaa ulluni 13-ini, aappaalu ulluni 26-ni, tigummigallarneqalerput.
Aasianni politiit pisoq alianartoq pillugu arfininngormat ullaakkut takunnissimasimasinnaasunik oqaloqateqarusupput. Aasianni politiit oqarasuaatigaat 894222.