Asseq: MMIWG

Canada Arnat toqutaasimasut pillugit nalunaarusiaq piareertoq

Ataatsimiititaliarsuup Canadami arnat periarfeerunneqarsimasut toqutaasimasullu pillugit nalunaarusiani premierministerimut Trudeaumut tunniummagu nunap inoqqaavisa arnartaat pillugit mumisitsisoqarneranik takuneqarsimanngingajattumik malunnartitsisoqarpoq.

Katersugaasiviup inersuani aappaluttoq mallitut ippoq... naggueqatigiit inuit, indianerit Métisillu periarfeerunneqarsimasut toqutaasimasullu pillugit kjolit aappaluttut ilisarnaatitut atorneqarput. Arnat allallu hunnorujulikkaat amerlanerit aappaluttunik atikkersorsimasut katersugaasivimmiipput. Malunnartitsineq akunnernik sisamanik sivisussuseqarpoq.

Nalunaarusiaq, Reclaiming Power and Place... tassa pissaanerput inissisimaffippullu utertiguk... 1200-inik qupperneqartoq Canada tamakkerlugu tusarniaanerit 24-t aamma ilaqutaasut ikinngutaasullu ilisimannittutut nassuiaateqarnerisa inerneraat.

Oqartussat inussiarnersumik innersuussuteqartoqarnissaa immaqa naatsorsuutigigaluarpaat, taamaattoqanngilarli... Nalunaarusiarmi Canadami inuiaqatigiit nutaanngornissaannut, arnat, suiaaqatiminnoortut allallu inuunerisa pitsaanerulernissaannut nutaanngortinnissaannullu suaarutiginninnernik 231-nik imaqarpoq.

Nalunaarusiarmi naapertorlugu nalaassimasaat Canadami inuiannik toqoraanertut taaneqarpoq.

Oqaaseqartullu qassiiusut tamanna maanna naammalersoq kiisalu inuunitta meeqqattalu inuunerisa pitsaanerulernissaannut pissutsit allanngortinneqassasut erseqqissaatigaat.

Premierministerip Trudeaup nalunaarusiaq tiguaa nunalu tamakkerlugu iliuusissamik pilersaarusiortoqarnissaa neriorsuutigalugu. Tamatuma kingorna Canadami nunap immikkoortuisa siuttui isiginnaartitsisarfimmut qaqipput nalunaarusiallu assilineranik tamarmik immikkut aamma tunineqarlutik.

Tamarmik nalunaarusiamut tapersiipput. Arnallu pillugit mumisitsineq aallartippoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat