Arnat sukkornermik napaateqartut naartui ulorianartorsiortinneqartarput
Arnat sukkornermik, type 2 diabetesimik nappaatillit amerlanersaasa nappaatertik suli nakkutigilluarsinnaanagu naartulertartut, Danmarkimi Sukkornermik Nappaatillit Peqatigiiffianni siulittaasoq, Allan Flyvbjerg DR-imut oqarpoq.
Allattoq Oline I. Olsen
Sukkornermik nappaat ilisimasaqarfiginagu naartunerup naartumut innarliisinnaanera ulorianartorujussuuvoq, tassa meeraq assigiinngitsunik innarluuteqarluni inuusinnaammat, inuuguniluunniit sapaatip akunnerini siullerni toqunissaa ilimanaateqarsinnaammat.
Paasisat tamakku tungavigalugit Danmarkimi peqqinnissamut nakkutilliisoqarfimmiit, arnat diabetes 2-mik nappaatillit naartunertik qanoq anigorluarsinnaanerlugu nakorsamik oqaloqateqarnissaat kaammattuutigineqarpoq.