Arnat sapiitsut pingasut sermersuaq itivinnialersaaraat Arnanumi saqqummeqqammersumi allaaserineqarpoq.
Arnat taakku pingasut tassaapput, Najannguaq L. Sværd, Sisimiuneersoq aammalu Sisimiormioqataa Naja O. Lennert taavalu pingajorissallugu Aasianneersoq andrie Sørensen.
Taakku pilersaarput aappaagu 2006-imi maajip aallaqqaataaniit Kangerlussuarmiit sisorarlutik sermersuaq itivillugu tunumut nunaqarfimmut Isortumukarniarlutik.
Arnat taakku naatsorsuutigaat qaammat sinnerlugu sermersuaq itivinniarsarissallugu.
Sermersuarlu ingerlaarfissaat 650 kilometeriussaaq, ullormullu 20 kilometerinik ingerlaartarnissartik naatsorsuutigaat.
Pingasuullutik itivinnissartik atseqartippaat: Arnat kalaallit 2006.
Taakku siunertaraat, arnat kalaaliinnaallutik siullersaallutik sermersuakkut itivinnissartik.
- Piumagaanni anguniakkap anguneqarsinnaanera sermersuakkoornitsinni takutinniarparput, arnat taama aviisimut Arnanumut saqqummeqqammersumut oqarsimapput.
Aviisi arnanut ukiuni marlunni ingerlavoq, ukiumullu sisamariarluni saqqummiunneqartarpoq.