Arnat qimarnguinniittartut amerlipput
Taassuma neriuutigaa Nunatsinni ajornartorsiut eqqumaffigineqalissasoq.
- Sulisut taavalu tamakkuninnga suliniartut suli sakkussaanik tuniorarneqarlutillu ineriartoertinneqartassasut, pinaveersaartinniarlugu akuerinagulu anenrsaaneq, ilaqutariinnut siunnersorti Grethe Siegstad taama oqarpoq.
Aamma atuaruk Arnanik persuttaasarneq Nunatsinni suli takussaaqaaq
Qimarnguini arnat ikiorneqarnissamik pisariaqartitsisut ukiuni kingullerni amerliartortut malugineqarpoq. Arnat qimarnguiniittut 2011-mi taamaallaat 42-simapput, siornali 72-nngorsimallutik. Tamannalu akuerineqarsinngaangilluinnartoq Grethe Siegstad oqarpoq.
- Isumaqarpugut inuiaqatigiit ilutsinni Kalaallit Nunaani ilaqutariit iluanni aappariinermi akuerinieqarsinnaangitsoq persuttaaneq meeqqanut arnanullu, taakkua unitsittariaqartut eqqumaffiginerulissavagut nunat allat suleqatigalugit, akuerissanagit persuttaanerit nunatsinni piusut, nungusartariaqartullu.
Aamma atuaruk Meerarpassuit qimarnguinniittarput
Naak qimarngusartut amerligaluartut, arnat annersarneqartut amerlinngitsut, tamannalu arnat oqaasinngortitsisinnaalersimanerannut ersiutaasoq, ilaqutariinut siunnertsorti isumaqarpoq.
- Siorna taamatut amerlanerineri eqqarsaatigivarput immaqa paqumigiunnaarneqarsimasoq, imaluunniit neqeroorutigut tigulluarneqartalersimasut.
Aamma atuaruk Arnanik persuttaasarneq Nunatsinni suli takussaaqaaq
Aningaasanut inatsimmi naalakkersuisut siunnersuutigaat qimarnguinnut tapiissutit ukiuni tulliuttuni sisamani allanngoratik ukiormanna tappiissutitut amerlassiseqassasut. Tamannali taamak ingerlaannassappat arnanut persuttarneqartunut neqeroorutit eqqugaassasut Grethe Siegstadip ernumassutigaa.
- Sulisut immaqa ikinnerulernissaat, amerlisinnaanginnerput, pikialaarsinnaanginnerput, neqeroorutigut killeqalersinnaaneri, ilaqutariinnut siunnersorti Grethe Siegstad oqarpoq.
