Arnat puljeminni unamminermi kingullermi ajorsarput

Unamminerup immikkoortuani siullermi Serbia 20-6-imik siuarsimavoq.

- VM-imut anngunniunnermi Qallunaat U20-ii Serbiap ajorsartillugit peqataasinnaajunnaartinnikuuvaat, taamaattumik kalaallit arnartaasa arnat assammik arsallaqqissut naapissimagaat oqaatigineqarsinnaavoq, taama GHF-ip siulittaasua Boas Møller Korea Kujallermiit allappoq.

Serbiamut unammereernerup kingorna Rina Lorentzen kalaallinni arsarluarnerpaatut toqqarneqarpoq.

U20 arnat inuusuttut arsammik arsarlutik nunut allanut unammisartut Koreami Kujallermi nunarsuarmi pissartanngorniunnermi ullaaq puljeminni unamminermik tallimassaat kingullersaallu ingerlappaat. Puljemilu unamminerit tamaasa ajorsarfigalugit.

Tamannalu immaqa aamma naatsorsuutigineqareersimavoq. Tassami Kalaallit Nunaat Den Dominikanske Republik aamma Puerto Rico, tamarmik VM-mut anngutereernikuungaluartut, pisinnaajunnaarmata VM-imut peqataammat.

Aqagu assammik arsaattoqassanngilaq.Arfininngorpat Presidents Cup aallartissaaaq. Presidents Cup-imi nunat pujleminni ajorsartut VM-imi inissat 21 aamma 24 pissarsiariniassavaat.

Kalaallit Nunaata arfininngorpat Presidents Cup-imi Congo siulliullugu naapissavaat.