Danskit nittartagaanni Love.dk-mi atuisuni arnat 10,5 procentii nittartagaq aqqutigalugu allasiortarput. Angutit 6,5 procentii taamaallaat allasiortarsimallutik.
Misissuineq arnanik angutinillu 2000-nit peqataaffigineqartoq taama takutitsivoq.
Misissuinerup takutippaa pingaartumik arnat nittartagaq aqqutigalugu allasiornissaminnut ussernartorsiortartut. Kisitsisilli takutinngilaat arnat angutininngarnit nalinginnaasumik allalerinerusarnersut, nittartagarli tusagassiutitut atussallugu arnat soqutiginerusaraat, kinguaassiutitigut ilisimatooq Joan Ørting isumaqarpoq.
-Arnat angutininngarnit nipinut tunngasut nuannarinerusarpaat. Siutiminnut isussuffigineqartut allatallu tissaffiginerusarpaat, allakkallu tusaasatut taaneqarsinnaapput arnat imminnut nipituumik atuffattaramik. Angutilli isigisatik nuannarinerusarpaat, takusatik tissassutiginerusaramikkit, Joan Ørting aviisimut URBAN-imut oqarpoq.
Nunatsinni aappassarsiornermut nittartagaq dating.gl ullumikkut 1135-nik ilaasortaqarpoq.