Arnat Moskvami bronzinnapput
februaarip 24-at 2005 10:51
Masters World Cup, utoqqasaat nunanit tamalaaneersut unammersuarneranni, Moskvap avatinnguani orpippassuaqarfimmi ingerlanneqartumi arnat nunatsinneersut bronzinnapput.
Arnat iligiiaarlutik ujakkaarneranni russit arnartaat ajugaapput, Italiamiut normu 2-nngorlutik, kalaallillu arnartaat brozinnapput, ukuusut: Karen Mina Clasen, Nuunu Dorph, Mereta Clasen aamma Lone Pless tamarmik ASP-eersut. Karen Mina Clasen oqaluttuarpoq medalja ullumi pinnattaani ukiuni 40-ni unammisartuunermini pingaarnerpaasoq.
Arpaffiit marluk ingerlaffigigineqarput, klassiskertut ingerlaffiat sakkortungaatsiarsimalluni, sukuutsertullu ingerlaffiat ajornannginnerulaarsimavoq.
Unammeqataasut 900-t akornanni arnat angutillu nunatsinneersut 7-upput.
