Arnat marluk Qaqortumi akunnittarfimmi mattussaagallaqqapput.Assi: Jørgen Simionsen

Arnat marluk Qaqortumi akunnittarfimmi mattusimaneqarallartut

Arnat marluk coronavirusimik tunillatsissimasutut pasitsaanneqartup timmisartumi saniani issiasimapput.

Arnat danskit marluk suliffimminnit nunatsinnut angalatillutik Qaqortumi akunnittarfimmi matussaagallaqqapput.

Arnat marluk Danmarkimiit timmisartorsuarmut ilaallutik Kangerlussuarmut marlunngormat tikipput. Timmisartorsuarmi ilaasoq alla Canadami ataatsimeersuarnermi peqataasimavoq. Ataatsimeersuarnermilu tassani coronavirusimik tunillatsittoqarsimalluni.

Tamanna akunnittarfiup pisortaata, Jin Riisip KNR-imut oqaatigaa.

- Politiit Air Greenlandimilu sulisut suleqatigiinnermikkut arnat marluk maani (akunnittarfimmi aaqq.) najugaqartut attaveqarfigivai, Nuummiittup tunillatsissimannginnissaata isumannaarneqarnissaatalu tungaanut arnat marluk ineeqqamut mattukkallassallugit aalajangerpugut, akunnittarfimmi pisortaq, Jim Riis oqarpoq.

Tunillatsissimasinnaasutut pasitsaanneqartup tigusiffigineqarnerisa inernerisa paasinissaanut arnat taakku marluk mattussaaqqagallassapput.

- Ineeqqamut torsuusami ungasinnerpaamut inissippavut, taamaammat isumannanngitsumiipput. Matuata saanut nerisassanik ilitsisarpugut kasuttorlutalu, nerisaqartippagut, aamma inunnik naapitsineq ajorput, Jim Riis oqarpoq.

AAMMA ATUARUK Illuatungiliuttut: Coronamik tuniluuttoqaqqunagu nunarput matuli

Pingasut tunillatsissimasutut pasitsaanneqartut

Inuit pingasut katillugit coronavirusimik tunillatsissimasutut pasitsaanneqarput. Ataaseq Danmarkimit timmisartorsuarmut ilaalluni Kangerlussuarmut tikippoq. Ullorlu taanna Nuummut ingerlaqqilluni.

Inuit allat marluk Canadami Torontomi ataatseersuarnermi peqataaqqammerput. Ataatsimeersuarnermilu tassani peqataasunit ataaseq coronavirusimik tunillatsissimasoq paasineqarsimavoq.

Taakku tamarmik angerlarsimaffimminnit Nuummi aneqqusaajunnaaqqagallarput. Takku tigusiffigitinnerisa inerneri aqagu tallimanngornermi akissutersineqassapput.

Isummersuutit

inatsisartut-sal-sep2019.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat